I taste like Peanut Butter. I am one of the most blendable flavours; I go with sweet, I go with sour, I go with bland, I go with anything. I am practical and good company, but have something of a tendency to hang around when I'm not wanted, unaware that my presence is not welcome. What Flavour Are You?

Svona by the way, þá finnst mér hnetusmjör viðbjóðslega vond!!!

Jæja þá er skólinn búinn og síðasta verkefninu skilað síðastliðinn mánudag... frábær tilfinning... og þá er bara að koma sér í próflestrarfílíng (sem er by the way ekki að gerast!!!).

Svo langar mig svo geggjað til útlanda, 15.000 krónu tilboð til Danmerkur og svo var Vili bróðir að spyrja mig hvort ég kæmi ekki með honum til London í helgarferð í byrjun júní... skæl grenj.. hvað á ég að gera?

You are a goddess!


Which Ultimate Beautiful Woman are You?
brought to you by Quizilla

Þetta var nú svolítið fyndið, við Auður komum eins út úr þessu!!!

Djö mar... var búin að blogga helling í gærkvöldi en allt datt úr vegna smámistaka hjá mér :o(
Taka tvö!:
Þetta var fínn dagur í gær, kom heim úr skólanum og ákvað að slappa pínu af og datt því inn í sjónvarpið. Fór að horfa á einhvern sirkus og jeminn.. ég hef aldrei séð neitt þessu líkt, þetta var ekkert smá flott... búningarnir mar!!! Ég fór að velta því fyrir mér hvort kennarar mínir úr LHF (listir, hreyfing og félagsmál) hefðu verið að horfa, því þetta var svona fullkomin blanda af því sem þau voru að kenna okkur í vetur, tónlist, myndlist og hreyfing í einum fallegum pakka ;o)

Svo kom vinkona mín að sunnan í mat til mín í gær, hún Ragnheiður Sara. Eftir matinn fórum við aðeins á rúntinn um sveitina, því hún er svo mikið náttúrubarn í sér og langaði að skoða sig um hérna. Það var fyndið að vera í einskonar gæd... og þá kom sér vel sú vitneskja sem mér hlotnaðist við að vinna verkefnið um heimabyggðina í Grenndarkennslu hérna fyrir áramót, hehehe... Það var gaman að sjá þig Sara mín ;o)

Svo hitti ég hina Söru mína aðeins um páskana, rúntuðum aðeins og spjölluðum. Hefði bara vilja hitta hana meira.. það verður vonandi bara næst. Svo vona ég að Jósa vinkona fari að koma, ég held hún ætli að koma um miðjan maí, það er flott, ég verð búin í prófunum 16.maí.

Ég heyrði einnig í Ástu vinkonu minni í gær, það var gaman, hún rosa dugleg að læra fyrir eðlisfræðipróf ;o) Ég hugsa til þín Ásta mín, gangi þér vel... verðum svo að fara að hittast!!

Svona að lokum, mundu Auður mín að mig er auðvelt að finna, hvar og hvenær sem er. Það gildir einnig um aðra vini mína, ég á ykkur margt að þakka og lofa því að vera ávallt til staðar fyrir ykkur ;o) Lov´u gæs....

GLEÐILEGT SUMAR ELSKURNAR MÍNAR ;o)
Ég get svo svarið það... ég missti mig alveg í gær. Þegar ég kokm heim úr skólanum var mamma suður á lóð að stússast og við fórum svo í það að gróðursetja gulrótarfræjum í nýja beðið okkar. Þetta var svo frábært og mar var gjörsamlega að kafna úr hita, það var svo geðveikt veður. Svo fór ég í fjós í gærkvöldi, það var magnað. Ég missti mig alveg í stuðinu og grenjaði svo næstum því yfir kvöldmatnum að skólinn er ekki enn búinn og ég get ekki dúllast í garðinum þegar ég vil næstu vikur og ég er pirruð yfir því... því ég er svo komin í gírinn....

Annars komu Auður og Óskar í gær og við Auður spjölluðum aðeins saman, hún er ekki alveg að meika lífið núna... ég vona að ég hafi eitthvað getað hjálpað henni. Svo gripum við í spil og ég var í stuði, en gáði ekki nógu vel að mér og Óskari tókst að lauma sér til sigurs... beljan..

Jæja, Elsa er að reka á eftir mér... best að fara að læra ;o)
Heyrumst síðar...

drasl..æji ég kann þetta ekki... ;o(

hahahahahaha.........


-Perfect- You're the perfect girlfriend. Which
means you're rare or that you cheated :P You're
the kind of chick that can hang out with your
boyfriend's friends and be silly. You don't
care about presents or about going to fancy
placed. Hell, just hang out. You're just happy
being around your boyfriend.">

Já, þá kemur að því að ég er persónuleg:
Aðfaranótt föstudagsins varð ákveðið brakethrough í sambandi okkar Guðmundar. Eins og allir vita sem mig þekkja þá drekk ég ekki áfengi og hef aldrei gert. Ég veit samt alveg hvernig þetta smakkast, en hef aldrei dottið í það og veit þar af leiðandi ekki hvað það er að finna á sér, hvað þá að vera drukkin. Ég hef hingað til ekki talið mig fanatíska á áfengi, en vissulega hefur áfengisneysla minna nánustu vina og kærasta ávallt haft einhver leiðinleg áhrif á mig. Ég hef svosum viðurkennt þetta fyrir Guðmundi, en sennilega aldrei almennilega útskýrt þessar tilfinningar, hvorki fyrir honum, öðrum né sjálfri mér! Í mörg ár hef ég oft (ekki alltaf) fengið þá tilfinningu að þegar kærasti minn eða náinn vinur minn hefur verið að drekka í mínum félagsskap, að það sé einhverskonar árás á mig, að ég sé ekki nógu skemmtileg og það þurfi aðra skemmtun í kringum okkur, sem er vímugjafi. Þegar þessi tilfinning hefur læðst upp skapar hún rými fyrir fílu og afbrýðissemi og hefur oft á tíðum komið mér í vont skap. Fyrir u.þ.b. 3 vikum eða svo, fór Guðmundur í rokna fílu við mig og ég vissi ekki alveg út af hverju, sér í lagi vegna þess að hann viðurkenndi ekki að hann væri í vondu skapi (karlmenn!). Ég hins vegar fæ „the silent treatment“ í rúma viku og reyni alla þá viku að komast að því hvað sé í gangi. Svo förum við suður til að hlusta á einleikaratónleika Villa. Föstudagskvöldið fer Guðmundur í keilu en skilar sér ekki heim fyrr en kl. fimm um morguninn, blindfullur, og mín orðin brjáluð. Málin rædd daginn eftir og ég fæ að vita af hverju hann hafi verið í fílu; ég hafði sært hann. Ég bað hann fyrirgefningar og fæ hana. Samt sem áður hefur frá því um þessa helgi verið svona weird tilfinning á milli okkar og hún ekki löguð fyrr í núna í fyrri nótt. Þá ræddum við betur málin og umræðan fer yfir í áfengisumræður og ég kemst að því að rótin að vandanum liggur þar. Ég fer sem sagt að útskýra fyrir honum hverjar mínar tilfinningar eru til áfengis og kem þar af leiðandi mínum málum á hreint varðandi þessi mál, sem ég hef í raun aldrei almennilega gert fyrr en núna, þ.e. ég hef eiginlega aldrei komið mínum skoðunum á hreint til þess að ég og aðrir nákomnir mér fái nákvæma tilfinningu fyrir því hvar ég stend. Ég varð náttúrulega fyrir vægu sjokki þar sem ég hef örugglega margoft sent svo röng og/eða mismunandi skilaboð út og þar af leiðandi verið ekki alltaf verið samkvæm sjálfri mér. Það er ekkert góð tilfinning, að fatta það. Svo kemur sprengjan... Guðmundur segir mér frá því að hann hafi þannig lagað ekkert á móti mínum skoðunum, en hins vegar sendi ég rosalega oft fíluskilaboðin út, sem ýti bara á það að hann drekki meira...ég var gjörsamlega orðlaus...og fattaði hvað ég er búin að vera heimsk.. að sjálfsögðu gildir öfug sálfræði í heimi fullorðna rétt eins og í heimi barna og ég búin að skapa þessi vandamál oft í gegnum tíðina sjálf, en ekki þeir í kringum mig sem ég hef viljað kenna um!!! :o(
En Guðmundi leið mun betur að vera loksins búinn að segja mér þetta og ég fór smám saman að gera mér grein fyrir þessu öllu saman og ákvað um leið að fara að gera eitthvað í mínum málum. Ég verð að hætta að senda út þessi leiðinda skilaboð og fara haga mér eins og manneskja, en ekki eins og fimm ára frekjudós. Ég hef komið skoðunum mínum á hreint og nú ættu allir að geta séð hvar ég stend. Ég hef ákveðið að vera algjörlega meðvituð um eigin tilfinningar þegar við förum að djamma og annað og útrýma þessum fílutilfinningum áður en þær komast upp á yfirborðið...
Þá er að mínu mati enn eitt þroskaþrepið að baki ;o)

Þá er maður komin í páskafrí... síðasta kennslustundin í morgun, þar sem við vorum að kynna vefleiðangra okkar. Það var margt mjög flott og sniðugt að sjá hjá hinum bekkjarfélugum okkar. Ég og Elsa kláruðum svo verkefni núna í hádeginu sem við þurfum að vísu ekki að skila fyrr en eftir páska, en við vildum endilega ljúka því af og eiga þá eingungis eitt verkefni eftir á þessari önn. Ég kláraði svo síðustu dagbókina mína fyrir GSK 0452 og er því svo sannarlega komin í páskafrí. Jibbý...

Við fórum á kajak í gær, á Ólafsfjarðarvatni, í alveg stórkostlegu veðri, þvílíkur dagur. Það var alveg stórkostlegt og fínt að vera með smá strengi í dag eftir róðurinn, sýnir að maður er að taka á, hehehe...Svo var grillað og tekið hraustlega til matar síns. Ég held að Ragnheiður Kara (systur-dóttir Guðmundar) hafi borðað mest af okkur öllum!! Hún er voða montin yfir því að vera komin til ömmu og afa á undan mömmu og pabba, en þau koma ekki norður fyrr en á miðvikudagskvöldið. Það verður því svaka fjör út í Ólafsfirði um páskana. Svo kemur Villi bróðir auðvitað norður líka, hann kemur í sveitasæluna á miðvikudaginn. Þetta verða góðir og skemmtilegir páskar ;o)

Jæja það er sannarlega allt að gerast hérna í sveitinni. Við Guðmundur vorum að sækja kajakana okkar út í geymslu, vonumst til þess að geta róið á morgun út í firði. Við hittum hann Sólon minn þar á vappi (Sólon er kötturinn minn, sem er konungur ríkis síns í fjósinu). Hann var svona svaka hress og til í að leika sér með okkur. Svo hittum við tvær kanínur, sem ég veit ekkert hvaðan koma en giska á að fólkið eigi þær sem búa í gamla húsinu hérna í Gröf og leyfi þeim bara að ganga lausum. Þær voru á fullu að reita gras úti á túni í hreiðursgerð, sem mér sýndist að eigi að vera undir kartöfluvélinni í verkfærageymslunni. Það held ég líka að sé bara fínn staður! Svo lengi sem þær athugi það að Sólon hefur afar ríkt eðli í sér og gæti hugsanlega snattast þarna inn til að ná sér í smá bita, hvort sem það er fugl, mús eða kanínuungi skiptir engu máli ;o)

Svo eru fermingarnar komnar á fullt, og við Guðmundur að fara í veislu í ættinni hans. Þannig að það er von á því að maður éti eitthvað í dag...hmmm.. svo lengi sem þetta er ekki kökuveisla, í þeim er nú fátt gott nema brauðterturnar og heitu réttirnir, hehehe...

Bið annars bara að heilsa ykkur í þessari yndislegu blíðu og óska ykkur góðrar helgar, adios ;o)

Nákvæmlega Auður mín, og það er einmitt þess vegna sem í dáist svona að þér, því ég er ekki ennþá komin á þetta plan ;o) Og það er svo fyndið það sem þú segir þarna um tilgang lífsins, að þetta er nokkuð það sama og hann pabbi sagði einu sinni við mig þegar ég var einhvern tímann að væla yfir einhverju „back then“ á gelgjunni... að lífið er til þess að lifa því; og gera það og læra sem við þurfum að gera og læra, til þess að fá að lifa lífinu.
Þess vegna segi ég það, að þeir vinir sem maður eignast hér í þessu lífi og reynast sannir og traustir, það eru þeir sem hjálpa manni og vísa manni veginn. Jafnframt er ég til staðar fyrir þessa sömu vini mína til þess að hjálpa þeim og elska þá. Þeir og foreldrarnir eru leiðarvísar okkar, eða reyna alla vega að vera það. Því er ég svo þakklát fyrir það að eiga svona góða vini eins og ég á, og hef verið að reyna að temja mér þá góðu heimsspeki/lífsspeki að segja þeim það hvað þeir eru mér mikils virði og hve mikið mér þyki vænt um þá. Þakka ykkur fyrir, mínir kæru vinir, þið eruð mér svo mikið. Nú þegar ég sé að ég hef ekki misst kæra vinkonu eftir mikilvæga ákvörðun sem ég tók um samband okkar hér fyrr á árinu, þá er mér það ljóst að þeir góðu vinir sem ég hef í lífi mínu, eru sannir, trúa mér og treysta og vita að ég ber einungis þeirra og okkar hag fyrir brjósti. Það er ótrúlega góð tilfinning, skal ég segja ykkur ;o)

Ég verð að segja að ég dáist að vinkonu minni henni Auði. Hún tekur þetta blogg sitt það alvarlega að hún skrifar á bloggið nánast eins og í dagbók og er því að skrifa um hluti sem standa henni nær. Ég veit að ég gæti þetta... yeah right... ég er sko dauðhrædd við að segja mínum nánustu vinum frá þeim stóru en kannski hversdagslegu viðburðum sem eiga sér stað í mínu lífi, hvað þá að blogga um það á veraldarvefnum. En þannig er ég nú bara. Ég er svo hrædd um að ef ég segi of mörgum frá plönum mínum að þá gerist hlutirnir og eftirvæntingin orðin gríðarleg. Já svona er ég skrítin...

En það má Guð vita að ég hlakka mikið til þess að skólinn klárist og ég geti farið að vinna og dúlla mér í því sem mig langar að gera, m.a. að stússast hérna úti í garði og sanka að mér upplýsingum um margt skemmtilegt sem ég get hugsað mér að fara að gera að áhugamálum mínum. Ég stefni m.a. að því að stofna matarklúbb núna með vorinu ;o) Ég held að þetta verði rosa gott sumar, og mig langar til þess að ferðast eitthvað og fara mikið á kajak. Auðvitað langar mig líka e-ð út, væri t.d. geggjað til í að fara með Auði og Óskari eitthvert út.... langar að upplifa það að ferðast í litlum hóp vina...

Þögninni tókst ekki ætlunarverk sitt, heldur sigraði ég hana með samræðum. Þær gengu hægt og óstöðulega í fyrstu en svo komst ég á flug. Ýmiss atriði voru rædd og stefnan tekin á að koma sér upp úr fílunni, beggja vegna....

Já, þá er það nánar frá tónleikunum. Þetta voru hreint út sagt frábærir tónleikar. Villi valdi góð og fjölbreytt verk til að spila og fékk gott fólk til að spila með sér. Villi spilaði frábærlega, var í þrusu stuði og ekkert stressaður. Maður naut þess út í ystu æsar að hlusta, en ég var ekki ein af þeim sem lokaði augunum og hlustaði, ég bara gat ekki haft augun af bróður mínum. Ég er svo stolt af honum að ég er að springa. Honum gengur allt í haginn og fer næsta haust í meira nám í Osló. Það verður aldeilis fjör.

jamm, segjum þetta gott í bili, fer að fara í tíma bráðlega...

Jamm og jæja... lítið eru nú þriðjudagar skárri en mánudagar, það verð ég nú að segja alveg eins og er. Bíð eftir því að verða drepin í þögninni, þannig að ef þið heyrið ekkert í mér er líða tekur á vikuna, þá vitiði það að ætlunarverk þagnarinnar hefur tekist ætlunarverk sitt..

Af síðustu helgi er hins vegar allt frábært að frétta. Villi litli bróðir sló í gegn á tónleikum sínum, hann spilaði frábær, en ólík verk og ég skemmti mér frábærlega. Þarf að segja ykkur betur frá þessu seinna... þ.e. ef þögnin nær mér ekki!

Ég get sagt ykkur það að ég hef aldrei verið jafn lengi fyrir fram tölvuskjáinn án þess að taka hvíld eins og í gær... ég sat fyrir framan tölvuna í skólanum frá klukkan átta um morguninn til rúmlega þrjú í gær!!! Ég komst jafnframt að því að ég get aldrei orðið skrifstofugella því ég var gjörsamlega að drepast í bakinu í gærkveldi eftir þetta rugl. Ég hætti náttúrulega að finna fyrir rassinum á mér fyrir hádegi, en það er svona... Við Elsa vorum sem sagt að klára verkefni þarna klukkan tíu en svo fór ég að vinna í heimasíðunni og blaðra við fullt af fólki á msn, þ.á.m. Mæju vinkonu úti í Austurríki. Hún ákvað það þarna í samtölum okkar að skella sér í óperuna um kvöldið á La Traviata, enda væri það ódýrara en að fara í bíó..halló er ekki í lagi, ég bara öfunda hana pínulítið... já bara PÍNU!!!

Gaman að því, gaman að því...

Við fjölskyldan erum svo að fara suður á morgun til að hlusta á Villa bróður á einleikaratónleikum hans og svo er smá veisla á eftir, voða gaman. En nú bið ég bara að heilsa ykkur því ég er að spá í að láta fara vel um mig frammi í sófa og glápa á sjónvarpið eða eitthvað...See´ya ;o)

Oh my god, ekkert smá góð tilfinning að vera búin með þetta verkefni, 50% verkefni í sérþarfir og einstaklingsnámskrá... snilld að vera búinn.
Þá er það næsta verkefni að klára vefsíðuna sem maður er að gera, það á eftir að verða einhver höfuðverkur næstu daga....
Heyri í ykkur seinna..