Frábær helgi....Road-Trip á föstudaginn, leti á laugardaginn en óvænt fjör um kvöldið í svaðalegasta sms-partýji sem ég hef lent í, hehehe..... djöfull er gaman að bulla svona, það er hreinasta snilld og allt of langt síðan að ég hef bullað svona.

Ég var svo vakin um klukkan 4 á laugardagsnóttina og vinsamlegast beðin um að koma niður í bæ að sækja nýjasta vin minn, hann Gulla gæja!! Pissfullur eftir svaðalegt steggjafjör heimtaði hann að fá að gista í Gröf, og ég sem er dóttir móður minnar, gestgjafans mikla, gat nú aldeilis ekki neitað því. Það fór auðvitað þannig að við kjöftuðum þangað til að ég fór í fjós klukkan sjö!! Mikið gaman... Ég er afar ánægð að vera búin að eignast nýjan bullfélaga vegna þess að gömlu félagana hitti ég allt of sjaldan!

Gærdeginum var að miklu leyti eitt í eirðarleysi og skýjaborgir... enda er Draumalandið minn uppáhaldsstaður þessa dagana!! Hékk heima hjá Auði og Óskari í gærkvöldi, strítt geðveikt og var einnig sökuð um að vera geðveik , en það er nú önnur saga, hehehe. Fór svo heim um tíuleitið þar sem ég var nú eiginlega búin að lofa Villa bróður vídeóspólu. Við gláptum því á Sweet Home Alabama fram yfir miðnætti. Sú mynd er auðvitað very predictable, en mikið andskoti er gaurinn sem leikur Jake fallegur mar... damn... en ég fer ekki ofan af því að Reese Witherspoon eða hvað sem hún heitir er alveg eins og hundur í framan, rétt eins og kellingin sem var í 2-3 ár með þátt á laugardagskvöldum og stofnaði svo nýjan flokk hérna í vor rétt fyrir kosningar. Þær eru mjög líkar finnst mér, eiga greinilega hunda af sömu tegund. Ég er nefninlega sammála þeim spegúlöntum sem segja að margir hundaeigendur líkjast ótrúlega hundum sínum!!!