MamaMia

föstudagur, desember 05, 2003

Já, loksins er Idol keppnin hafin fyrir alvöru... og er þá ekki kominn tími á mig að tjá mig um keppendur, lögin og framistöðuna?!

Kalli byrjaði, og byrjaði vel. Hann er góður söngvari með hörkurödd, en þó svo að hann hafi valið fallegt og gott lag, þá beið ég samt alltaf eftir powerinu sem hann hefur, því það hefði alveg passað við. En hann er flottur.

Sessý er tvímælalaust einn besti söngvarinn í hópnum en átti sína lélegustu frammistöðu í kvöld. Hún var stressuð og virtist vera með hálsbólgu líka því hún var eitthvað svo rám, sem er ekki hennar rétta rödd, því hún er svo tær og falleg. Ég vona samt að hún komist áfram.

Jóhanna Vala er snilli... alger rokkari og með magnaða sviðsframkomu. Auðvitað er hún enginn poppari, en það er alltaf gaman að hafa svona einn öðruvísi talent með ;o)

Rannveig er falleg, með fallega rödd og fagmannlega framkomu. Ein af þeim bestu í kvöld.... need I say more?

Tinna Marína er með skondna rödd, ekki endilega að mínu skapi, en hentar vel í poppið. Valdi alveg skelfilegt lag fyrir sig en brosið er alveg auðvitað milljóna króna virði. En þar fyrir utan er ég á þeirri skoðun að hún ætti ekki að vera í þessari keppni þar sem hún hefur svo víða komið opinberlega fram.

Helgi Rafn er svo mikill engill, en klúðraði kvöldinu með því að taka skelfilegt lag, sem hann fílaði engan veginn sjálfur. En hann er næsti Cat Stevens, þvílík útgeislun sem þessi drengur hefur.

Ardís Ólöf er með bestu röddina í hópnum, enda búin að læra aðeins og svona. Besta atriði kvöldsins, framúrskarandi söngur, framúrskarandi framkoma og tilfinning.

Anna Katrín er með mjög spes rödd, sem mér finnst ágæt og hún gerði afar vel í kvöld. Þessi performans og þegar hún söng Yellow eru hennar besta so far. En eins og með Tinnu, þá er ég á þeirri skoðun að Anna ætti ekki heldur að vera í þessari keppni þar sem hún vann söngvakeppni framhaldsskólanna í vor.

Jón Sigurðsson er vissulega myndarlegur maður með killer smile og framúrskarandi framkomu. Hins vegar er ég ekki mikið að fíla þessa klemmdu rödd, ekki frekar en hjá Tinnu, og performansinn í kvöld svona la la...

Þá hafiði það krakkar mínir, þetta er skoðun mín á hópnum í kvöld... en já... úrslitin að byrja... heyrumst!!!!!!!!

0 Comments:

Skrifa ummæli

<< Home