Ekkert gengur enn hjá mér að koma mér að verki í lærdómnum... ekki nóg með það að ég sé löt, heldur er bakið alltaf eitthvað að stríða mér, en ég held að ég ætti að geta komið einhverju í verk í dag, ef ég bara drullast til að hætta að vera svona yfirmáta löt!!!!!!!!

Æfingarnar í Kátu ekkjunni eru að vera meiri og stífari, hlutirnir svona smátt og smátt að gerast, enda frumsýnt 5. mars. Ég kann allt mitt í tónlistinni, þarf bara að læra textann utan að núna. Mér finnst þetta yfirleitt gaman, fyrir utan það að ég er stundum ósátt við leikstjórann, hún er ekki eins fagmannleg eins og ég á að venjast, en þetta reddast áreiðanlega allt saman. Maður þarf bara að passa upp á sjálfan sig, að hún valti ekki yfir mann, því hún er svolítið mikið fyrir það að fara fram úr sjálfri sér!!

Ég er enn að reyna að átta mig á nýjustu fréttunum sem ég fékk frá bróður mínum, á pínu erfitt með að melta þetta. Ég veit ekki af hverju, það er ekki eins og ég sé ekki ánægð fyrir hans hönd, þvert á móti... ég sennilega þarf bara að verða vitni að raunveruleikanum, þá fatta ég þetta! Meira public verður þetta mál ekki í bili ;o)