Uss jæja... þetta hafðist.. skilaði af mér 2 ritgerðum í dag og ég get ekki sagt annað að en það hafi létt talsvert á manni að vera búin með þennan skammt. Ég klára þá þriðju núna um helgina, og þá er ég komin bara í nokkuð gott horf held ég!!

Ég hlakka voðalega mikið til að komast heim og leggja mig.. þarf að fara að hlaða orku fyrir helgina og allar æfingarnar ;o) Það er meira að segja hreinlega bara spurning um að skella sér upp á Sólborg og ná í þær heimildir sem mig vantar og drífa sig svo heim og dissa íslenskutímann, þó svo að þeir séu yfirleitt ágætir. Ég er bara svo helvíti tussuleg eitthvað og mig langar heim og upp í rúm!! Heyrumst...

Æji.. ég varð svo þreytt allt í einu.. búin að vera að í ritgerðasmíðum síðan klukkan hálf níu í morgun og ég er bara búin á því í bili. Það fer að koma að hádegi, og það hlýtur að bjarga mér að fá einhverja næringu!

Fyrsta æfingin í marga daga, ef ekki vikur, sem gengur bara ljómandi vel og allt að koma bara. Nú getur maður séð hvers vegna maður er að þessu, því þetta er skemmtilegt.

Jæja... vafra aðeins um á netinu áður en ég fæ mér að borða!

Úpps.. gerði nú ekki mikið meira... ég er farin heim!! See ya...

Jeij... Maja lánaði mér 100 kall og ég gat því fengið mér Prins Póló... takk Maja sæta ;o)

Ég þarf að fara að halda áfram að læra aðeins, því ég ætla heim um hálf-fimm því ég fer svo á æfingu klukkan sjö... verð að fá smá salkjöt & baunir áður en maður fer að garfast þarna í Ketilhúsinu. Fyrir þá sem hafa áhuga, þá er komnar inn myndir frá æfingum inn á heimasíðu kórsins, undir Káta ekkjan...

Jæja.. lufsaðist í skólann rétt fyrir hádegi, og er nú svosum búin að afreka að vera langt komin með eina ritgerðina og búin með vikulega úrdráttinn fyrir heimspeki. Maður er nú samt ekkert skemmtilegur hérna, alltaf hóstandi og örugglega margir sem hugsa með sér; " Hvers vegna í ands.. er manneskjan ekki heima í rúminu hóstandi í staðin fyrir að vera hér og trufla mann.. bitch!" Ég veit það, af því að þegar ég er að vinna eitthvað mikilvægt verkefni þá væri ég ekkert allt of spennt fyrir því að vera alltaf trufluð af gjammandi gemsum og sjúklegum hóstum!!

Oih.... mig langar svo í Prins Póló... en er ekki einu sinni með tíkall á mér, snökt skæl...

Er í fýlu heima því ég er lasin, með einhverja ógeðslega hálsbólgu. Gat svosum ekki gert ráð fyrir því að sleppa við að veikjast, þar sem pabbi er búin að vera hundveikur og svo mamma, sem endaði í lungnabólgu hjá henni... djöfulsins ógeð. Fór samt á æfingu í gær og fer líka í kvöld. Það hlaut að koma að því; það sauð hálfpartinn upp úr í gær, en sem betur fer var allsherjar rifrildi afstýrt. Svona til að summa þetta upp fyrir ykkur, þá er leikstjórinn okkar einfaldlega ekki starfinu vaxin, þrátt fyrir gífurlega reynslu. Hún bara hreinlega getur ekki skipulagt sig, né æfingar, og hefur tekist að klúðra 2 mikilvægum málum varðandi óperettuna, en tekur svo auðvitað enga ábyrgð á því, heldur fríar sig með því að ýfa upp smá kliður á milli leikhússkórsins og leikhússins, og hendir ábyrgðinni á leikhúskórinn með hitt atriðið!! Ég hef sjaldan orðið vitni að ófaglegri vinnu sem þessari, og sárvorkenni leikhúskórnum sem þarf að borga konunni óverðskulduð laun!!

En ég segi alltaf bara upp með góða skapið og jákvæðnina, þetta kemur allt á endanum, og slíkar raddir redduðu því að ekki var major blow out í gærkvöldi. Og það verður svoleiðis, þetta reddast allt og sýningin verður fín ;o) Nú er bara að láta sér batna og reyna að klára þessu blessuðu verkefni á milljón sem eiga að klárast í þessari viku!! :-O

Jæja... fyrirlesturinn gekk bara vel og ég fékk bara góð komment frá kennaranum Svo er bara að gera ritgerð upp úr þessu sama efni og þá er það versta yfirstaðið í þessum áfanga.

Er að fara á fyrirlestur á eftir með biskupi vorum, en hann er að vísitera norðurland og maður lætur nú ekki svona fyrirlestur um siðferði fram hjá sér fara!!! Gætu orðið skemmtilegar umræður á eftir.

Annars er bara æfingahelgi framundan, ekki þó þannig að maður eigi eftir að kafna eins og í gær, lengsi og leiðinlegasti dagur sem ég hef upplifað í langan tíma!

Heyrði í Jósu minni í gærkvöldi, hún var bara hress og meira að segja bara mjög hress ;o) Það er bara allt að gerast og ég sagði henni þessar nýjustu fréttir, sem ég ætla nú að deila með ykkur.... Spennt?! Sko.. eftir nokkrar umræður höfum við Guðmundur nokkurn veginn ákveðið að flytja suður næsta haust, til að hann komist í að klára nám sitt í rafeindavirkjun. Því er nefninlega ekki hægt að ljúka hérna fyrir norðan, og við höfum því bara 90% ákveðið að fara suður svo að hann geti klárað. Ég er bara sátt og ánægð með það, þrátt fyrir að hafa sagt að ég myndi aldrei búa aftur fyrir sunnan. En það er eins og einhver sagði, aldrei að segja aldrei!! Ég ætla bara að hugsa jákvætt um þetta og reyna að nýta mér allt sem borg óttans hefur upp á að bjóða ;o) Ég hlakka til að vera nálægt frændfólki mínu, þá Gurru og litlu fjölskyldunnar hennar og foreldrum hennar, og öllum vinum mínum sem eru búsettir þarna fyrir sunnan. Þannig að over-all þá er ég bara spennt!

Er að reyna að passa mig á að fara ekki í stresskast núna þessa dagana, því það gerir bara illt verra. En það er sem sagt frekar mikið að gera, og allt að gerast í einu, sem ég er ekki alveg að fíla. Var að enda við að ljúka fyrirlestri sem ég er að fara að halda á morgun í þessum heimspekiáfanga sem ég er í. Á morgun verð ég að byrja á 2 öðrum verkefnum og ljúka þeim í næstu viku, og nú eru æfingar á hverju kvöldi í Kátu ekkjunni, þannig að lokaritgerðin er alltaf sett á meira og meira hold, sem er alls ekki nógu gott!! En þá kemur kæruleysisengillinn minn upp í mér og segir mér að þetta muni nú allt saman reddast og fara á besta veg, ekki satt?!

Þetta er nú samt ekki alveg að marka, þar sem sumstaðar var nú bara rétt stoppað eða keyrt í gegn!! En til þessara landa hef ég nú samt sem áður komið...



create your own visited country map
or write about it on the open travel guide

Nú er Villi um það bil að spila, eða að verða búinn að spila í þessu prufuspili sem hann er búinn að vera undirbúa sig fyrir undanfarið... da da ra... hlakka til að fá að vita hvernig gekk!

Er búin að vera alveg hroðalega dugleg í dag. Er að gera fyrirlestur um sambandið á milli critical thinking og creative thinking. Ég segi nú bara; sem betur fer er ég sammála greinahöfundinum, annars myndi ég aldrei meika þetta. Annars var ég að fatta það núna (já ég er stundum hroðalega slow) að ég er eingöngu í einstaklingsverkefnum á þessari síðustu önn og mér finnst það hundfúlt, því ég sakna hennar Elsu minnar (vann oftast verkefni með henni sko!) og þeirra sem ég hef unnið með í gegnum tíðina í þessu námi. Maður er eitthvað svo einangraður af því að svo sækir maður svo fáa tíma, og mér finnst það ekkert sérlega skemmtilegt að vera svona einn í heiminum eitthvað!

Þar sem ég er nú svo mikil LOTR-FAN (Lord of the rings) þá finnst mér þetta alveg ótrúlega skemmtilegt! Samkvæmt þessu er Hobbita-nafnið mitt Orangeblossom Sandybanks, er þetta ekki krúttlegt?! Hobbita-nafn Guðmundar myndi þá vera Griffo Gamgee-Took of Bywater... hahahaha. Svo er líka hægt að finna út hvaða álfanafn maður gæti borið. Mitt væri Séreméla Nénharma, sem að mér finnst æði ;o) og Guðmundur myndi kallast Angaráto Telrúnya, alveg rosalega flott!

Já já já já... ég er á lífi!! Hef bara verið frekar upptekinn og segja má að síðustu dagar hafi verið svolítið furðulegir, svona miðað við venjulega.

Hún Jósa mín er komin heim og ég fagna því, þar sem ég var komin með fráhvarfseinkenni af því að heyra ekki í henni. Ég gerði reyndar heiðarlega tilraun til að hringja í hana í Rússlandi, og spjallaði þar við dömuna í lobbíinu og þvílík snilld að tala við rússa á ensku... ég varð hreinlega að passa mig að hlæja ekki upphátt. En eftir að hafa haft upp á herbergisnúmeri Jósu, þá var hún nú bara ekki inni!!

Á miðvikudaginn förum við svo út eftir í fimmtugsafmæli tengdamömmu, og Arna, Ragnheiður Kara og Jesper bumbubúi koma því norður á morgun.. vííí gaman gaman ;o)

Samkvæmt þessu á ég eftir að verða 91 árs gömul... og deyja rétt fyrir 92 ára afmælisdaginn minn, eða 1. júlí.. hmmm!!!

Það er svo furðulegt þegar lífið tekur óvænta stefnu og allt breytist í takt við það. Svo gæti farið að við Guðmundur séum að fara að breyta stefnu okkar í meira lagi skrítna átt! Það er þó best að vera ekki að fara of djúpt í einhverjar svona pælingar fyrr en hlutirnir fara að skýrast betur, þá helst með tilliti til hvaða vinnu Guðmundur fær í sumar. Ég segi ykkur nánar frá þessu þegar það hefur skýrst.

Átti mjög góðan dag í gær með Auði, þar sem ég kíkti til hennar í hádeginu í gær og ætlaði rétt að stoppa! Yeah right... við kjöftuðum og kjöftuðum fram eftir degi á meðan hún föndraði og enduðum svo á Bláu könnunni. Þar upplfiðum við spes stemmingu þar sem við sátum á næsta borði við Stuðmenn (allir meðlimir + Doddi + dóttir Röggu & Jakobs og leikstjórinn þeirra).

Síðan fór ég til Mikka gamla söngkennara míns, en ég er hjá honum í einkatímum til að koma mér í almennilegt form. Tíminn í gær var þrusu góður og ég finn að ég er öll að koma til. Ekki seinna vænna þar sem það er rétt mánuður í frumsýningu!

Ég hefði viljað enda daginn einhvern veginn öðruvísi heldur en að kveljast þangað til ég sofnaði, en ég var með svo svakalega verki í kviðarholinu. Ég hef sjaldan upplifað annað eins, sem endaði með því að ég hafði samband upp á bráðamóttöku, talaði þar við lækni sem róaði mig niður og sagði að ég mætti taka verkjalyf við þessum verkjum (sem ég gerði ekki, legg það ekki í vana minn að fá mér verkjalyf nema við versta höfuðverk) og sagði mér svo að ég væri velkomin upp eftir en það væri lítið hægt að gera, en ef þetta héldi svona áfram næstu daga að þá ætti ég að hafa samband við kvensjúkdómalæknirinn minn. Þannig fór nú það... og ég sofnaði fyrir rest!

Hmmm... til hvers var ég að fá mér comment-kerfi???? Svona... pillist til að segja eitthvað!!!

Mikið var ljúft að fá að sofa til hálf tíu í morgun. Einhver kennari Guðmundar var sem sagt veikur, þannig að maður hoppaði bara aftur upp í rúm og sofnaði ;o)

Eitt af því sem ég rambaði inn á í gær í netvafri mínu á meðan ég beið eftir Guðmundi var þessi síða. Ég er alveg heilluð, þvílíkt fallegar myndir.

Ég var í rólegheitunum uppi í rúmi í gær að horfa á seinni fréttir á RÚV og þá kemur þarna viðtal við rektor H.A., Steina frænda, nema hvað að svo eru sýndar þarna myndir af nemendum inni á tölvuveri bókasafnsins, þar sem ég hef átt heima núna í jan-feb! Ég fer eitthvað að tauta við Guðmund um það að ég hafi ekkert orðið vör við myndatökuvélar í gær, og að ég hafi nú verið þarna nánast allan daginn... og viti menn.. rétt þegar ég hef lokið við setninguna kemur mynd af mér... gjörsamlega inni í tölvunni!!!!!!!!! Við drápumst auðvitað úr hlátri, af því hvað ég get nú verið einstaklega clueless! En ég get svo svarið það að ég tók ekki eftir neinum vélum... var greinilega inni í tölvunni, eins og ég fer inn í sjónvarpið þegar ég er að horfa á það! Spurning um að endurskoða eitthvað alert-statusinn hjá mér?!

Úff.. þá er einn hausverkurinn búin (sem sagt lærdómur!). Nú er bara að bíða eftir Guðmundi, hann er ekki búinn í skólanum strax, og þá hangir maður bara á netinu!! Og bloggar!

Það er nú samt bara ekki margt að segja, annað en það að ég frétta það áðan að Auður mín kemur norður í dag, sem þýðir að á næstunni verði CATAN tekið í gagnið (á íslensku samt!)

Jú, ég talaði við Oddný hans Villa í fyrsta skipti áðan, hitti hana á msn og við spjölluðum aðeins saman. Já, ég hlakka til að kynnast þessari stelpu betur.

Búin að eiga góða helgi... æfingahelgin sem átti að vera féll niður vegna veikinda leikstjórans, þannig að það voru bara stuttar söngæfingar á laugardag og sunnudag. Því var bara glápt á Idol á föstudagskvöldið... endalaust hægt að hlæja af þessum vitleysingjum maður!!

Svo var ekki hægt annað en að fara út í góða veðrinu á laugardaginn, þvílíkt flott veður og skítakuldi ;o) Þar sem ég gaf bónda mínum blóm á bóndadaginn þá fylgdi með blómvendinum 2 fyrir 1 á Fiðlarann og við skelltum okkur því út að borða á laugardagskvöldið. Það var alveg yndislegt og við meira að segja fengum okkur forrétt og alles (sem þykir merkilegt í okkar bókum!!). Við fengum svo 2 fyrir 1 í bíó líka, á myndina Paycheck og fórum á hana eftir dinnerinn. Myndin var bara ágæt. Svo var það Brynju-bragðarefur í eftirrétt á leiðinni heim ;o)

Á sunnudaginn var líka svona afskaplega fallegt veður og við Guðmundur fórum út til að taka myndir og njóta veðursins. Þegar ég er búin að læra að setja myndir inn á bloggið mitt þá set ég inn eitthvað af þessum myndum. Svo eru sunnudagskvöld hörku sjónvarpskvöld, með nýjum þætti sem heitir Cold Case, fínir þættir.... og svo auðvitað spennuþáttur spennuþáttanna, 24... þriðja þáttaröð,alger snilld...